مسابقه من قائل هذه العباره؟

بسم الله الرحمن الرحيم

مسابقه من قائل هذه العباره مسابقه معروفه و مشهوره

ولا تحتاج لشرح

على العموم الى مش عارفها انا حجيب مقوله قالها شخص ما انت عليك انك تعرف اسم الشخص ده

قد تكون بيت شعر قد تكون مقوله مشهوره لاى شخص

ممكن تكون اى جمله لكن اما تكون جمله مشهوره او قائلها شخص مشهور

من يريد الاشتراك فى هذه المسابقه ما عليه الا ان يكتب انا مشترك

حشرح قواعد المسابقه فى بدايه المسابقه و سوف ابدا المسابقه لو لقيت عدد معقول مشترك بها

لكن لو العدد كان قليل او ماحدش اشترك اصلا:crazy000: تعتبر الفكره ملغيه

ارجو ان الفكره تنجح و تعجبكوا

طبعا المسابقه ديه فكرتها قديمه جدا مش انا الى اخترعتها و مستنى ردكم

قوانين مسابقه من قائل هذه العباره

المسابقه حتكون عباره عن عده جولات
كل جوله يوجد خمسه فائزين وهما اول خمسه حيجاوبوا على السؤال
و كل واحد من الخمسه حياخد نقط و ده على حسب ترتيبه
الاول حياخد 25 نقطه
التانى 20 نقطه
التالت 15نقطه
الرابع10 نقاط
الخامس 5 نقاط
و المسابقه حتكون عباره عن 200 نقطه يعنى اول واحد يوصل ل200 نقطه
يكون هو الفائز بالمسابقه
المسابقه حتبقى عباره عن
سؤال و بعدين الاجابات
اول واحد يجاوب صح يبقى من حقه انه هو الى يسأل السؤال التانى
ومن حقه انه مايسألش ده على حسب اختياره
لو اختار انه مايسألش
يبقى تانى واحد جاوب صح هو الى يسأل او برده مايسألش
و هكذا مع الثالث و الرابع و الخامس
لو عضو سأل سؤال و محدش عرف يجاوب عليه صح
العضو ياخد50 نقطه فى رصيده
و من حقه انه يسأل تانى
لازم الاسئله الى تتسأل تبقى مقولات مشهوره او قائلها شخص مشهور
يعنى مش اى مقوله و خلاص
و لو حصل العكس و لو خمسه من الاعضاء الى مشتركين اتفقوا ان المقوله ديه ماتنفعش
تعتبر المقوله ملغيه و طبعا ما نتج عنها من اضافه للنقاط ملغى
انا _ان شاء الله _ الى ححسب النقاط و ترتيب الاعضاء
و ده بعد ما العضو الى يسأل يقول من جاوب صح
الاعضاء المشتركين دلوقتى هما الاعضاء الى حيشتركوا فى الجوله الاولى
و اى عضو عاوز يشترك فى المسابقه و المسابقه شغاله
يدخل و يقول عاوز اشترك و يشترك فى الجوله الى بعد كده
لكن ماينفعش يجاوب من غير ما يكون مشترك اصلا
و ده علشان اعرف مين الى فى العبه بس

معلم معلم انا معاك يامعلم

يا سلام يا ريسنا انت تأمرنا

زائر

بمشيت الله انا هوكون موجود يا احمد معاك فى المسابقه

الله الله شكلها هاتحلو اكتر

شكرا استاذ ياسر

زائر

اشكرك يا احمد فكرة جديدة ويارب يوفقك فيها ان شاء الله واحنا معاك ان شاء الله تعالى

شكرا جنات على التشجيع

انا معاااااااااااااااااك يا دولار باشا وهانضربلك نااااااااااااااااااااااااااااااااااار كتيره طحن

شكرا اسلام على مرورك ومشاركتك بالمسابقه

واحب اعرفكم ان المسابقه هاتبدأ يوم الاثنين القادم 21 /4 /2008

بأذن الله يا دولار احنا معاك كلنا

تطخ تطخ تطخ تطخ تطخ تطخ تطخ تطخ تطخ تطخ تطخ تطخ تطخ تطخ تطخ تطخ تطخ

كولنا بنظرب ناررررررررررررررر لمستر احمد الدولار علشان عارف يولع المسابقه

santa

يااااااااريت يا مستر احمد تبد المسابقه

انا اسف يا جماعه على التأخير بس كانت ظروف وبأذن الله هتبتدى المسابقه اليوم

من قائل هذه العبارة - ..

{ لو وزن ايمان أبى بكر باِيمان أهل الأرض لرجح بهم ليتنى شعرة فى صدر أبى بكر }

بسم الله الرحمن الرحيم

قائل هذه العبارة - ..
الاجابهسيدنا محمد علية الصلاه والسلام )

عليه الصلاة والسلام

الله ينور يا معلم
ومعاك اول درجه 20 نقطه